ນິທານເລື່ອງ ພໍ່ ກັບ ລູກສາວ

ເລື່ອງ ພໍ່ ກັບ ລູກສາວ

ແຕ່ກີ້ ແຕ່ກ່ອນ ມີຜູ້ຄົນໜຶ່ງເຊິ່ງລາວມີລູກສາວສອງຄົນເຊິ່ງທັງສອງຄົນແມ່ນແຕ່ງງານໝົດແລ້ວ,ລູກສາວຄົນທຳອິດແມ່ນແຕ່ງງານກັບຜູ້ຊາຍຊາວສວນ ແລະ ຄົນທີ່ສອງແມ່ນແຕ່ງງານກັບຄົນຊາວປະມົງ,ຕໍ່ມາມື້ໜຶ່ງພໍ່ຂອງຜູ້ຍິງທັງສອງຄົນນັ້ນຕ້ອງການທີ່ຈະໄປຢ້ຽມຢາມລູກສາວທັງສອງຄົນ ແຕ່ພໍໄປຮອດເຮືອນຂອງຄົນທີ່ແຕ່ງງານກັບຊາວສວນ ດ້ວຍຄວາມເປັນຫ່ວງ

           -  ພໍ່ກໍ່ຖາມລູກສາວຄົນທຳອິດວ່າ " ຕັ້ງແຕ່ເຈົ້າແຕ່ງງານມາ ເຈົ້າປາຖະໜາສິ່ງໃດແດ່ "

           - ລູກສາວຄົນທຳອິດຕອບພໍ່ຂອງລາວວ່າ " ລູກປາຖະໜາ ຢາກໃຫ້ຝົນຕົກທຸກມື້ ເພື່ອໃຫ້ພືດຜັກງາມ "

           - ແລ້ວ ພໍ່ຂອງລາວກໍ່ຕອບວ່າ "  ພໍ່ຂໍອວຍພອນໃຫ້ເຈົ້າໄດ້ສົມດັ່ງປາຖະໜາ "

ຫຼັງຈາກນັ້ນພໍ່ຂອງລາວກໍ່ເດີນທາງເພື່ອທີ່ຈະໄປຫາລູກສາວຄົນທີ່ສອງ ເມື່ອໄປຮອດ

           - ພໍ່ຂອງລາວກໍ່ຖາມຄຳຖາມເດີມກັບລູກສາວຄົນທີ່ສອງ

           - ລູກສາວຄົນທີ່ສອງຕອບວ່າ " ລູກປາຖະໜາ ຢາກໃຫ້ມີແດດອອກທຸກມື້ ເພື່ອທີ່ປາຈະໄດ້ແຫ້ງພໍທີ່ຈະນຳໄປຂາຍໄດ້ " 

  ເມື່ອໄດ້ຍິນດັງນັ້ນພໍ່ຂອງລາວຈຶ່ງຕອບລູກສາວວ່າ

          - ພໍ່ຂອງລາວກໍ່ຕອບວ່າ "  ພໍ່ຂໍອວຍພອນໃຫ້ເຈົ້າໄດ້ສົມດັ່ງປາຖະໜາ "

ແລ້ວເມື່ອພໍ່ຂອງລູກສາວທັງສອງຄົນກັບເຮືອນລາວກໍ່ຄິດໃນໃຈວ່າ ຈະເຮັດແນວໃດເພື່ອທີ່ຈະໃຫ້ລູກສາວທັງສອງຄົນສົມດັ່ງປາຖະໜາ.

                  ນິທານເລື່ອງນີ້ສອນໃຫ້ຮູ້ວ່າ : ຄວາມປາຖະໜາຂອງຄົນທຸກຄົນແມ່ນມີຄວາມແຕກຕ່າງກັນ ສະນັ້ນເຮົາຈຶ່ງບໍ່ສາມາດທີ່ຈະເຮັດໃຫ້ທຸກຄົນເພິ່ງພໍໃຈໄດ້  

ນິທານ ເລື່ອງ ກະຕ່າຍ ກັບ ເຕົ່າ

      ໃນປ່າໃຫຍ່ແຫ່ງໜຶ່ງ ມີກະຕ່າຍໂຕໜຶ່ງທີ່ມັກໂອ້ອວດ ວ່າຕົວເອງແມ່ນຜູ້ທີ່ແລ່ນໄວທີ່ສຸດ,ແລ້ວມີມື້ໜຶ່ງ ກະຈ່າຍກໍ່ເຫັນເຕົ່າໂຕໜຶ່ງ ຍ່າງມາຕາມທາງຢ່າງຊ້າໆ,ກະຕ່າຍກໍ່ເລີຍຫົວອອກມາດັງໆແລ້ວເວົ້າວ່າ : " ເຕົ່າເອີຍ ຖ້າເຈົ້າຍ່າງຊ້າແບບນີ້ ຍາມໃດເຂົ້າຊີຮອດເຮືອນ " , ເຕົ່າກະເລີຍຕອບກະຕ່າຍທັນທີວ່າ: " ເຖິງວ່າຂ້ອຍຈະຍ່າງຊ້າໆ ແຕ່ຂ້ອຍກະໄປຮອດເຮືອນທຸກມື້ ເຮົາມາແຂ່ງຂັນກັນບໍ່ ແລ້ວຂ້ອຍຈະເອົາຊະນະເຈົ້າໃຫ້ເບິ່ງ ".
          ຫຼັງຈາກທີ່ເຕົ່າເວົ້າຈົບກະຕ່າຍກະຮັບຄຳທ້າເພາະກະຕ່າຍໝັ່ນໃຈວ່າເຕົ່າບໍ່ມີວັນທີ່ຈະຊະນະຕົວເອງໄດ້ , ພໍຮອດຍາມຕາເວັນຂຶ້ນ ສັດຕ່າງໆກໍພາກັນມາເບິ່ງກະຕ່າຍກັບເຕົ່າແຂ່ງຂັນ ເມື່ອຮອດຍາມການແຂ່ງຂັນກໍໄດ້ເລີ່ມຕົ້ນຂຶ້ນ , ກະຕ່າຍແລ່ນສຸດຄວາມໄວໃຫ້ໄປຮອດເສັ້ນໄຊ ສ່ວນເຕົ່າກໍພະຍາຍາມຍ່າງໄປເລື້ອຍໆ .
           ໃນຂະນະທີ່ກະຕ່າຍແລ່ນໄປໃກ້ຈະຮອດເສັ້ນໄຊ ແລ້ວກໍ່ຄິດວ່າຈັງໃດຕົວເອງກໍ່ຈະຕ້ອງຊະນະແນ່ນອນ ກະຕ່າຍຈຶ່ງນັ່ງຢູ່ກ້ອງຕົ້ນໄມ້ ແລະ ນອນຫຼັບໄປ ສ່ວນເຕົ່າກະຍ່າງຊ້າໆຈົນມາຮອດເສັ້ນໄຊ , ເມື່ອກະຕ່າຍຕື່ນຂຶ້ນມາກໍ່ລ້ຽວເບີ່ງຊ້າຍເບີ່ງຂວາ ແລ້ວກະຟ້າວແລ່ນໄປຍັງເສັ້ນໄຊ ແຕ່ກະສາຍເກີນໄປແລ້ວ ເພາະສັດທັງຫຼາຍກຳລັງສະແດງຄວາມຍິນດີກັບເຕົ່າທີ່ເປັນຜູ້ຊະນະ.

            ນິທານເລື່ອງນີ້ ສອນໃຫ້ຮູ້ວ່າ : ຄວາມພະຍາຍາມຢູ່ບ່ອນໃດ  ຄວາມສຳເລັດຢູ່ບ່ອນນັ້ນ